Policia suedeze njoftoi të premten se një person është vrarë dhe një tjetër është plagosur nga të shtënat në një qendër tregtare.
Ngjarja e rëndë ndodhi në qendrën tregtare Emporia në qytetin jugor të Malmo të premten pasdite, për të cilin policia tha se duket se ka lidhje me dhunën e bandave, raporton Euronews.
Deri më tani policia ka arrestuar një të dyshuar për ngjarjen dhe përjashtoi mundësinë e një sulmi terrorist.
Dëshmitarët okularë i thanë mediave lokale se një person hapi zjarr në mënyrë të rastësishme ndaj njerëzve që bënin pazar në qendër.
Të shtënat nga bandat kriminale janë bërë një problem në rritje në Suedi në dekadat e fundit, duke përfshirë Malmo, qytetin e tretë më të madh të vendit.
