500 rrënjë kanabis janë asgjësuar nga policia e Lezhës në fshatin Krajen. Policia ka vënë në pranga 53-vjeçarin Arben Ndoci, i cili dyshohet se kishte kultivuar disa bimë narkotike në ambient të hapur në fshatin Krajen.
Ndërkohë gjatë kontrollit të ushtruar në banesë, 53-vjeçarit iu gjetën dhe iu sekuestruan gjithashtu, një sasi fishekësh arme gjahu, pa leje.
“U arrestua A. N., 53 vjeç, banues në fshatin Krajen, për veprat penale “Kultivimi i bimëve narkotike” dhe “Mbajtja pa leje e armëve sportive dhe gjuetisë”, pasi nga hetimi disajavor, rezultoi se kishte kultivuar në ambient të hapur, në fshatin Krajen, Lezhë, bimë të dyshuara narkotike kanabis, të cilat u asgjësuan me anë të djegies nga shërbimet e Policisë. Gjatë kontrollit të ushtruar në banesë, 53-vjeçarit iu gjetën dhe iu sekuestruan gjithashtu, një sasi fishekësh arme gjahu, pa leje”, njofton policia.
