Gjatë mbrëmjes së djeshme, kryeministri Edi Rama ka zhvilluar një takim me disa prej ministrave të kabinetit qeveritar dhe drejtues të Partisë Socialiste.
Takimi në vilën qeveritare nisi rreth orës 20:30 dhe ka përfunduar pas rreth dy orësh. Në takim kanë qënë të pranishëm edhe zëvendës kryeministri Niko Peleshi, ministrat Saimir Tahiri, Arben Ahmetaj, Damian Gjiknuri, Blendi Klosi.
Në takim morën pjesë edhe kryetari i grupit parlamentar, Gramoz Ruci, nënkryetari Aulant Balla, si dhe Erion Veliaj. Sipas burimeve gjatë kësaj bisede të gjatë është diskutuar për protestën e gjatë të opozitës dhe masat që duhet të marrin për sfumimin e saj.
Mësohet se Rama ka kërkuar që të intesifikohet në gjithë vendin aksioni për mbledhjen e firmave nga populli për “Vettingun”, si një mënyrë antiproteste ndaj opozitës dhe karikimin e militantëve për zgjedhjet e ardhshme
Takimi vjen në një kohë kur opozita këmbëngul dhe duket se nuk ka ndërmend të heqë dorë nga kërkesa e saj e panegociueshme, për qeveri teknike.
