Një aksident ka ndodhur mbrëmjen e sotme në afërsi të kthesës së Armenit në Selenicë. Si pasojë e shpejtësisë së lartë, një automjet ka goditur nga pas një makinë tjetër, e për pasojë, kjo e fundit ka përfunduar në kanal. Nga aksidenti është plagosur një grua, e cila është transportuar në spital.
NJOFTIMI
“Vlorë/Informacion paraprak
Sot, rreth orës 20:30, në aksin rrugor Vlorë-Selenicë, në afërsi të fshatit Armen, një automjet tip “Benz” me drejtues shtetasin I. C., 36 vjeç, është përplasur me një automjet tip “Nisan” me drejtues shtetasin A. A., 51 vjeç, ku si pasojë është dëmtuar pasagjeria e këtij mjeti, shtetasja M. A., 43 vjeçe, e cila ndodhet në spital, jashtë rrezikut për jetën.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.”
