Dhënia e shtetësisë shqiptare do të jepet me koncension. Kjo përcaktohet në një prej vendimeve të firmosuara nga Kryeministri Edi Rama ku shprehimisht thuhet “zbatimin e procedurave të koncensionit/partneritet publik privat në sektorin e programeve të shtetësisë”.
Deri më tani dhënia e shtetësisë shqiptare, e drejtë Kushtetuese, ishte një proces i gjatë, ku përfshihen disa institucione, madje edhe ato të sigurisë, ndërsa gjithçka formalizohej me një dekret që mbante firmën e Presidentit të Republikës.
Procesi përfshin një seri hallkash, dhe sipas Ministrisë së Jashtme shqiptare, ai zgjat deri në 3 muaj (Procedura gjendet KETU).
Por duket se një vendim, ndoshta edhe me propozim të ministrit të Brendshëm, zhbën gjithë procesin dhe shërbimi kalon me koncension. Në vendimin e firmosur nga Rama nuk jepen detaje se si mund të aplikohet, apo se si do të veprohet, por deri më sot shteti shqiptar për çdo aplikim arkëtonte 30 euro. Nuk dihet se sa mund të përfitojë koncensionari nga ky proces, por Edi Rama kohë më parë ka hedhur idenë e përfitimit të shtetësisë shqiptare, kundrejt investimit që mund të bënte në Shqipëri personi i interesuar. Kjo solli reagime në atë kohë edhe nga organizma ndërkombëtare, çka duket se detyroi Kryeministrin të tërhiqej. Por siç duket ishte një tërheqje e përkohshme, përderisa ai po jep me koncension procedurën e dhënies së shtetësisë.
Ndërkohë lidhur me vendimin, ka reaguar gazetari Klodian Tomorri, i cili shkruan se “kur ti mendon se i ke parë të gjitha del ministri i Brendshëm, që ka pasion varkat me vela, dhe kërkon të bëjë dhe ky një koncesion. Dmth këta do japin një ose më shume nga procedurat e dhënies së shtetësisë shqiptare me koncesion”.
“Këtu nuk është e qartë akoma se cfarë kanë ndermend të bëjnë. Por me gjasë do kontraktojnë ndonjë kompani private që të gjeje miliardera nëpër botë për t’u shitur pasaporten shqiptare. Është ai projekti golden passports që e kundërshton fort BE-ja.
Po ky është funksion mirëfilltazi shtetëror. Si mund të delegohen hallkat proceduriale të shtetësisë tek privati? Futini dhe policisë apo ushtrisë një koncesion tani, që të vejë tamam kjo punë”, shkruan Tomorri.
Ndërsa, avokatja Enida Bozheku, e konsideeron një marrëzi, duke shtuar se tradhetarët e atdheut po e japin me konçesion.
