Pasditen e djeshme, Policia e Rimini ka arrestuar dy djem shqiptarë për shpërndarje droge. Në orën 17:20 një njesi e Komisariatit të Policisë së Riminit ka shkuar në një hotel në Marina Centro për të kryer kontrolle për të ftuarit në këtë objekt akomodimi.
Kur agjentët kanë nisur kontrollin, vëmendja e tyre ka rënë mbi dy djem, që sapo panë agjentët kanë tentuar t’i shmangen kontrollit duke u kthyer me shpejtësi në dhomën e tyre.
Duke pasur parasysh sjelljen jonormale të të rinjve, është kërkuar ndihma e dy qenve të drogës. Qentë kanë çuar agjentët në dhomën e dy të rinjve.
Në dhomën e hotelit u zbulua droga e fshehur. Të rinjtë përveçse e kishin mbështjellë me rroba e kishin fshehur në frigorifer.
Ata u arrestuan dhe ndodhen në pritje të gjykimit. Seanca do të zhvillohet në Gjykatën e Riminit.
