Një 50-vjeçar është vënë në prangat e policisë pasi ka kanosur me armë zjarri bashkëshorten e tij, duke gjuajtur brenda banesës.
Pas njoftimit për ngjarjen e djeshme në fshatin Kaninë, ku shtetasi Vasil Halilaj pas një konflikti të çastit, kanosi me armë zjarri bashkëshorten e tij, në prani të fëmijëve të mitur, gjuajti me armën e zjarrit brenda banesës dhe më pas u largua me shpejtësi, shërbimet e Komisariatit të Policisë Vlorë kanë shkuar menjëherë në vendngjarje.
Njoftimi i policisë:
“Në kuadër të operacionit “Kanina”, pas disa orësh ndjekje, nga shërbimet e Komisariatit të Policisë Vlorë është bërë i mundur lokalizimi i shtetasit Vasil Halilaj në fshatin Kaninë dhe falë ndërhyrjes me profesionalizëm, u bë neutralizimi i tij. Gjithashtu u sekuestrua arma e zjarrit tip kallashnikov dhe një sasi municioni luftarak, që ky shtetas i kishte fshehur në një vend me bimësi, në afërsi të banesës”.
Materialet iu referuan Prokurorisë, për veprime të mëtejshme.
