Kanë dalë sot para gjykatës në seancën e vlerësimit të masës së sigurisë skafistët e përfshirë në trafikun e rreth 1 ton kanabis. Gjykata e Vlorës ka vlerësuar të ligjshëm arrestin në flagrancë dhe ka vendosur masën “arrest me burg”.
Mbi ta rëndon akuza e prodhimit dhe trafikimit të lëndëve narkotike dhe mjeteve lundruese.
Në burg mbetën Arbër Saraseli 31 vjeç, Saverjo Imeraj 21 vjeç dhe Qemal Pekmezi 19 vjeç të cilët u kapën me 991 kg lëndë narkotike marjuanë 13 milje larg Vlorës
Si rrjedhojë e operacionit janë arrestuar nga Guardia Di Finanza dhe dy shtetas ukrainas si dhe është shpallur në kërkim Gregor Likaj.
Për operacionin u angazhuan rreth 250 forca policie, duke u vënë në ndjekje të trafikantëve si nga ajri ashtu edhe nga deti dhe toka.
Hetimet zbuluan se droga ishte ngarkuar në grykëderdhjen e Vjosës e ndarë në tre skafe, GPS e të cilëve u fikën për të mos u gjurmuar.
