Kreu demokrat, Sali Berisha, gjatë një takimi me ekspertë të fushës së energjisë dhe hidrokarkureve, tha se janë të paktën 300 mijë ton naftë që kontrabandohen me bekimin e Qeverisë.
Berisha tha se nafta nuk është si kokaina që futet në arkat e bananeve, ndaj dhe kjo lloj kontrabande nuk mund të realizohet pa lejen e Qeverisë.
“Kontrabanda dihet se si bëhet. Një pronar ka 3 peshkarexhe dhe thuhet se ai takohet me Kryeministrin, pasi pa lejen e tij, nuk mund të bësh kontrabandë nafte”, tha Berisha.
Ai tha se nafta është bërë një ‘shpatë demokleu’ në qafën e shqiptarëve.
