Kryetari i Partisë së Lirisë, Ilir Meta, ka shpërndarë një postim në rrjetet sociale me aktorin e njohur të estradës, Albano Bogdo.
Meta është shprehur se është kënaqësi kur dëgjon ide e sidomos kritika nga një shpirt i lirë artisti.
Nuk dihet nëse artisti i mirënjohur pritet të marrë post drejtues në partinë e Lirisë, por në ditët e fundit pas zhveshjes nga kostumi i presidencës Meta është shfaqur aktiv si kurrë më parë në politikë.
Postimi i Metës:
“Kënaqësi kur degjon ide, por sidomos kritika, nga një artist me shpirt të lirë.
Albano Bogdo nuk është vetëm një aktor shumë i dashur humori, por dhe një qytetar i angazhuar në mbrojtje të interesit publik”- shkruan Meta
Albano ishte një nga zërat më të fortë kundër prishjes së teatrit nga Erion Veliaj me Edi Ramën por edhe në reagimet e tij kundër padrejtësive që po ndodhin dita ditës në këtë vend.
