Chelsea ka fituar ndeshjen e parë të sezonit në Premier League duke mposhtur Evertonin e Frenk Lampard me rezultatin 0-1.
Goli i Jorginhos me penallti në fundin e pjesës së parë vulosi fatet e sfidës, me londinezët që arritën të mbronin avantazhin gjatë pjesës së dytë.
Minuta pati dhe për Armando Brojën, sulmuesin e kombëtares shqiptare, që u aktivizua nga trajneri Tuchel në minutën e 75-të të sfidës, duke zëvendësuar Kai Havertz.
