I ftuar në SYRI TV, diplomati dhe nënkryetari i Partisë së Lirisë, Agim Nesho ka komentuar raportin e fundit të DASH në lidhje me korrupsionin në Shqipëri.
Nesho theksoi se ky raport është në vazhdën e të tjera raporteve që DASH ka publikuar, duke e treguar Shqipërinë si vendi më i korruptuar në Europë por edhe vendi me treguesit e demokracisë më të keq.
Sipas Neshos, gjithë këto vite një shkarje të Shqipërisë nga rruga demokratike, mos respektimi i shtetit ligjor që reflektohet në të gjitha raportet ndërkombëtare dhe se raporti i fundit jep një pasqyrim të qartë që korrupsioni është endemic.
“Ky raport është në vazhdën e të tjera raporteve të DASH por edhe të institucioneve ndërkombëtare që e rankojnë Shqipërinë, jo vetëm si vendi më i korruptuar i Europës por edhe me treguesit demokratikë më të keq. Ne kemi gjithë këto vite një shkarje të Shqipërisë nga rruga demokratike, mos respektimi i shtetit ligjor që reflektohet në të gjitha raportet ndërkombëtare.
Raporti i fundit jep një pasqyrim të qartë që korrupsioni është endemik, Shqipëria është vendi më i korrptuar në Europë, problematikën e gjerë që ka lidhje me drejtësinë dhe me titullin e pronës dhe pasigurinë që investitorët amerikanë të vijnë në Shqipëri për të investuar”, tha Nesho.
