Një tjetër emision kritik ndaj qeverisë aktuale është mbyllur në televizionin informativ “ABCNews”.
Emisioni mbyllet pasi televizioni ka ndryshuar vijën editoriale, atë të moskritikimit të qeverisë, që nisi me largimin e drejtuesve, më pas të gazetarëve dhe së fundmi po vazhdon me mbylljen e emisioneve që sipas drejtorit të ri janë kritikë ndaj qeverisë, raporton “Syri.net”.
Emisioni satirik “DiskoLajme” nuk do të transmetohet më në këtë televizion, por në një tjetër ekran shqiptar.
“Së shpejti emisioni “DISKO LAJME” do të vazhdojë transmetimin në televizionin “News24”:)…një BIG faleminderit kolegëve të “ABCNEWS”! Shihemi në mars:)”, shkruhet nga krijuesit e emisioni në faqen në Facebook.
