Nga Boldnews.al
Një skemë e pastër kriminale ka ndodhur me tenderin për pastrimin e Spitalit të Traumës, apo sicc njihet Spitali Ushtarak.
BoldNews.al ka denoncuar më parë procedurat fiktive, apo rritjen e pajustifikuar të vlerës së tenderit për pastrimin e këtij spitali, madje redaksia jonë kishte inforacione se do të favorizohej kompania e ish-bashkëshortes së Nikolin Jakës, e administruar nga znj. Alma Tafani.
Dhe, ashtu sicc edhe pritej, me procedura tepër të dyshimta, drejtoresha e këtij spitali, Edlira Bode, i ka dhënë një “paradhënie” prej 200 milionë lekësh të vjetra Tafanit për të pastruar këto ambiente. Por, ka dyshime të mëdha se e gjithë loja është bërë me qëllim që të përfitonte kompania “SORI – AL”, pasi tenderi i madh u shty disa herë. Dhe, në këto kushte, Spitali Ushtarak bëri një tender emergjent, duke i dhënë pa asnjë garë dhe me një skemë që ngjason me ato të grupeve kriminale, plot 200 milionë lekë.
Dokumenti i mësipërm është njoftimi i fituesit i tenderit emergjent për pastrimin e Spitalit të Traumës. Sicc duket qartë, bëhet fjalë për procedurën “me negocim, pa shpallje” me objekt “shërbim i pastrimit të ambienteve të brendshme dhe ambienteve të jashtme në SUT për nevoja emergjente”.
Një procedurë emergjente, madje me një vlerë plot 17.394.993 ose me TVSH rreth 200 milionë lekë të vjetra. Në këtë procedurë ka marrë pjesë vetëm kompania “SORI-AL” e cila ka pasur një një ofertë rreth 99 % e fondit limit. Por, a i është dhënë paradhënie për tenderin e madh?!
Denoncimet në vijimësi të BoldNews.al, për paracaktimin e tenderit për pastrimin e Spitalit të Traumës
Në datën 23 shkurt 2022, BoldNews.al botoi një investigimin me titull: “Tender i paracaktuar për pastrimin e Spitalit Ushtarak? Me fondet publike do pastrohet dhe Spitali Amerikan!”. Në atë kohë, në botuam dokumente ekskluzive, ku fillimisht Spitali i Traumës kishte hapur një tender për pastrimin e ambienteve, të jashtme dhe të brendshme, me një vlerë 790.000 euro. “Por, vetëm disa javë më vonë, ky Spital hapi sërish tenderin me këtë objekt, por kësaj herë shuma ka shkuar në plot 1.137.991 euro, ose rreth 350 mijë euro më shumë nga vlera e parë, duke ngritur dyshime të mëdha se gjithçka po bëhet për të favorizuar një firmë të caktuar. Burime për BoldNews.al thanë se ky tender është i paracaktuar, pasi pritet t’i jepet një kompanie që vijon operimin në këtë spital” shkruanim në atë kohë. Dhe, a nuk kishim të drejtë?!
Më parë, tenderi “për kryerjen e shërbimit të Pastrimit të ambienteve të brendshme dhe pastrim sistemim gjelbërimi i ambienteve të jashtme për Spitalin Universitar të Traumës”, është fituar nga operatori ‘Sori –al SHPK’, me administratore Alma Tafanin, e cila njihet edhe si ish-bashkëshortja e Nikolin Jakës.
Megjithatë, ne botuam edhe dokumente të tjera, ku Spitali Universitar i Traumës kishte publikuar edhe hartën se çfarë do të pastrohet, sipërfaqe e brendshme dhe ajo e jashtme. Nga krahasimi i hartave rezulton se në dokumentet e tenderit do të pastrohet edhe sipërfaqja e Spitalit Amerikan, që është ngjitur me Spitalin Ushtarak. Një skandal i përmasave të mëdha, pasi me lekët e taksave, do të pastrohet edhe një subjekt privat. Ky subjekt, përveçse ka marrë ambiente apo ka përvetësuar disa godina, tashmë edhe pastrimin ia mbulon shteti.
