Drejtori i Përgjithshëm i Kadastrës, Artan Lame, ishte në fshatin Kuqar (Patos) ku janë regjistruar 900 parcela ullishte.
Lame diskutoi me fermerët e zonës edhe për një prej problemeve të trashëguara që kanë lidhje me mënyrën e ndarjes së tokës në vitet 1991-92 ku, nga komisionet e asaj kohe në disa raste ju jepej tokë me dokument të veçantë anëtarëve të ndryshëm të të njëjtës familje bujqësore, gjë që ishte në kundërshtim me ligjin aso kohe.
Ai ka premtuar miratimin e një VKM nga Qeveria, e cila do ti japë zgjidhje certifikimit të familjeve me gabime në dokumentat e vitit 1991.
“Ky është tashmë një problem i njohur edhe për raste të tjera në Shqipëri dhe, për këtë, faji ka qenë i komisioneve të asaj kohe që, kryesisht për arsye mosnjohjeje të ligjit kanë vepruar kështu. Veçanërisht i dukshëm rezulton ky fenomen në zonat bujqësore të Qarkut Fier dhe në Mat. Për ti dhënë zgjidhje këtij procesi, tashmë nga Kadastra është gjetur zgjidhja teknike, të cilës po i jepet forma ligjore dhe së shpejti do të kalojë në Qeveri për miratim”, tha Lame.
