Një krim në familje ka ndodhur mëngjesin e kësaj të Shtunë në Elbasan, ku viktimë e goditjeve me thikë nga bashkëjetuesi ka mbetur një grua.
Ramis Mici, 37-vjeç, sipas një rindërtimi të ngjarjes nga hetimet paraprake, ka goditur me thikë në banesë bashkëjetuesen e tij Jetlira Elezin, 37 vjeçe. Si pasojë e plagëve të marra, ajo ka humbur jetën.
Krimi ndodhi në orët e para të mëngjesit, në lagjen “Skenderbej”, ndërsa autori u largua pas ngjarjes.
“Shërbimet e Policisë janë vënë në ndjekje të autorit dhe vijon krehja e zonës për kapjen e tij, ndërsa grupi hetimor nën drejtimin e Prokurorisë po punon për zbardhjen dhe sqarimin e rrethanave të ngjarjes”, thuhet në një njoftim të policisë.
Lexo edhe:
Pronari i banesës ku jetonte çifti në Elbasan: Gruaja ishte me urdhër-mbrojtje
