Intrigë politike, e ka cilësuar mbrëmjen e sotme në emisionin “Open” analisti Fatos Lubonja, shpalljen “non grata” të Sali Berishës nga SHBA dhe Britania e Madhe.
Ai tha se Sali Berisha nuk është një figurë aq e fortë sa të shpallet “non grata” nga dy vende, ai s´mund të krahasohet as me Netanjahun as me Kryeministrin indian Modi.
“Janë lojra të vogla politike në mbështetje të Edi Ramës. Ky i fundit ka krijuar një rrjet lobimi që nis me Sorosin, vijoi me Tony Blair, më pas me prsidentin francez, e kështu me rradhë.
Çfarë ka ndodhur? Sali Berisha u paraqit si një pengesë le të themi edhe për atë projektin e ndarjes së Kosovës.
Nuk e ndajmë dot nëse në rastin e Britanisë kemi një ndërhyrje të Edi Ramës përmes Tony Blair, apo kemi të bëjmë me një nder që Britania po i bën SHBA”, tha Lubonja.
Sipas tij, nëse amerikanët kanë shqetësimin për krimin, korrupsionin, pastrimin e parave etj, duhej të shkonin te ata që janë në qeverisje, jo te Sali Berisha.
“Ne të gjithë e dimë, bazuar edhe në raportet ndërkombëtare, se këtu është bërë më keq se në kohën kur ishte Sali Berisha Kryeministër. Mendoj se është një lobing dhe asgjë më shumë”, tha Lubonja.
