Edi Rama thirri një anti-miting pasditen e sotme në Tiranë, ndërsa me qindra e qindra punonjës të administratës, janë detyruar të marrin pjesë në këtë manifestim, për të cilin Kryeministri ka shfrytëzuar edhe një datë të shënuar, 100 vjetorin e marrëdhënieve mes SHBA dhe Shqipërisë.
Mesazhet e mëposhtme tregojnë se si nga punonjësit e bashkive, deri te mësuesit dhe punonjësit shëndetësorë në spitale janë paralajmëruar se do të largohen nga puna, nëse nuk marrin pjesë në miting.
“Punonjësit e administratës së qytetit të Kavajës, denoncojnë presionin dhe terrorin psikologjik që po ushtrohet ndaj tyre, për të mbushur mitingjet e Ramës në Tiranë. ⛔️
➡️Drejtuesit lokalë kryejnë forma të ulta të kërcënimeve, deri në largim të menjëhershëm nga puna, për të gjithë ata që refuzojnë të marrin pjesë në këtë miting. ❌
👆Këtë model të shëmtuar, qytetarët e Kavajës nuk e meritojnë”, thuhet në denoncimet që janë postuar në rrjetet sociale.
