Administrata nga të katër anët e vendit ka zbarkuar në Tiranë, bazuar në urdhërin e publikuar edhe një ditë më parë, ku i kërkohej në mënyrë ultimative çdo punonjësi të shtetit që në orën 19:00 të ishin pjesëmarrës në mitiingun që do të mbahet sot pasdite në sheshin Skënderbej.
Pas protestës së 7 korrikut, Kryeministri Rama u vu në një pozitë të vështirë, dhe duket se u detyrua të masë forcat apo të tregojë forcën e tij, duke shfrytëzuar edhe një datë të shënuar, 100 vjetorin e vendosjes së marrëdhënieve diplomatike mes Shqipërisë dhe SHBA.
Kështu Rama ka thirrur një manifestim propagande, me një ndërthurje të një kocerti festiv, ndoshta edhe për të dhënë mesazhin se njerëzit janë të lumtur, edhe për hapjen e negociatave me BE, edhe pse ato vijnë 9 vite pasi Edi Rama mori pushtetin.
Duket se mitingu i thirrur nga Rama, që detyron punonjësit e administratës të udhëtojnë drejt Tiranës, ka krijuar trafik të rënduar në autostradën Durrës-Tiranë apo edhe Elbasan-Tiranë.
