Skuadrat shqiptare do të luajnë sot ndeshjet e kthimit të turit të dytë të Conference League. Laçi duket se është më afër objektivit pas barazimit pa gola në fushën e moldavëve të Petrocub.
Kurbinasit mjaftohen me një fitore minimale dhe sezonet e fundit ka bërë mirë në Europë.
Vllaznia shpreson me barazimin 1 – 1 ndaj Universitatea Craiova. Rumunët edhe pse luajnë në fushën e tyre janë nën presion, pasi presidenti i klubit ka paralajmëruar shkarkimin e trajnerit në rast dështimi. Tirana do të luajë me Zrinjski në Mostar.
Nga ana tjetët, humbja 1 – 0 me skuadrën boshnjake në takimin e parë e bën më të vështirë, por bardheblutë e Tiranës kërkojnë një fitore në këtë sezon Europian ku kanë vetëm humbje. Zrinjski nuk njeh disfatë një ndeshje të kupave të Europës në shtëpi prej vitit 2017.
