Deputetja demokrate Ina Zhupa, komentoi në emisionin ‘Task Force’ në Syri Tv koncesionin e Parkut Kombëtar të Butrintit dhe deklaratat e kreut të fondacionit Richard Hodges.
Zhupa u shpreh se ai nuk është vetëm një albanofob, por me një marrëveshje të miratuar nga Parlamenti Shqiptar, Hodges ka në dorë Butrintin dhe të shkruajë historinë e tij.
Sipas Zhupës, ministrja e Kulturës Elva Margariti duhet të japë dorëheqjen ndërsa shtoi se kryeministri Edi Rama është ai që ka vendosur Hodges në krye të fondacionit për të menaxhuar Butrintin.
“Ka në dorë të bëjë çfarë të dojë, guidat e Butrintit, atyre që do tregojnë historinë. Akt tradhtie kombëtare nga Ministria e Kulturës.
Ministra duhet të kishte dhënë dorëheqjen për këtë akt antikombëtar. Kërkova interpelancën për deklaratat e Hodges dhe mbrojtjen publike nga ministrja Margariti.
Edi Rama e ka pasur këshilltar të vet, dhe me siguri ka qenë ai që e ka vendosur për të qenë në krye të fondacionit.”-tha Zhupa.
