Deputetja e PD Albana Vokshi ka dalë në një deklaratë për mediat, pasi ishte e pranishme në seancën e parë gjyqësore lidhur me padinë që ministrja Evis Kushi ka bërë kundrejt saj.
Vokshi u shpreh se do të vijoj të jetë zëri i nxënësve dhe i mësuesve dhe pse po përpiqen ti mbyllin gojën.
“Vetëm një kryeministër që e konsideron popullin si armik mund ta çonte arsimin në këtë pikë’, u shpreh Vokshi.
Vokshi: Sot përsëri në respekt të kësaj gjykate të nderuar në respekt të investimit të gjykatës lidhur me padinë që ministrja Kushi ka bërë ndaj meje lidhur me një denoncim që unë kam bërë në rrjetet sociale lidhur me shqetësimin e një mësuesje nga Elbasani që akuzon se ministrja nga nxjerrë testet për provimet e arsimit parauniversitar duke ua dërguar drejtorëve të lidhur me PS.
Sot gjyqi nuk mundi të zhvillohej. Është shtyrë për një datë tjetër. Unë do të paraqitem personalisht pasi pavarësisht përpjekjeve të Evis Kushit, Ramës e të tjerëve për të na mbyllur gojën unë do të vazhdoj të jem zëri i mësuesve dhe nxënësve. Arsimi ost është degraduar. Vetëm një kryeministër që e konsideron popullin si armik mund ta çonte arsimin në këtë pikë.
“Edi Rama po e vërteton çdo ditë që është armiku i dijes dhe i arsimit. Kurrë mësuesit nuk janë çmuar, shantazhuar, kërcënuar, keqtrajtuar financiarisht por, edhe presionuar çdo ditë për vendin e punës, nëqoftëse ata nuk bëjnë patronazhistin. Sot arsimi për fat të keq është shndërruar në një celulë patronazhistësh, në një celulë militantësh të Partisë Socialiste.
Për këtë unë bëj përgjegjës Edi Ramën dhe Evis Kushin. Do të vazhdoj të denoncoj çdo rast. As Edi Rama as Evis Kushi me padi ndaj meje nuk do të mund të më mbyllin gojën. Në fakt çdo shqiptarë, çdo mësues, çdo prind po e kuptojun që Edi Rama, qeveria e tij është fatkeqësia më e madhe e këtij vendi. Kjo faqtkeqësi nuk hiqet duke hequr një ministër dhe duke vënën një tjetër, as duke hequr një hajdutë dhe duke vënë një tjetër. Mbas çdo ministi qëndron Edi Rama. Fatkeqësia më e madhe ka vetëm një zgjidhje, largimin e Edi Ramës!”, u shpreh Vokshi.
