Pas dokumenteve të publikuara nga Autoriteti I Dosjeve se një person në presidencë me inicialet I.M., ka qenë bashkëpunëtor i sigurimit të shtetit dhe ku aludohet se mund të jetë Ilir Meta , ka reaguar Tedi Blushi, njeriu më i afërt i ish presidentit Ilir Meta.
Blushi ironizon kërkesën e autoritetit drejtuar Kuvendit për të ndryshuar ligjin mbi të drejtën e informimit për dokumentet e ish-sigurimit.
Duke i rikujtuar patronazhistët e kësaj kohe Edi Ramës, Blushi bën thirrje për hapjen e çdo dosje dhe verifikimit e çdo informacioni. Madje shton se është për të çuditur që kjo kërkesë i bëhet Kuvendit fill pas daljes së metës nga Presidenca dhe marrjes së drejtimit të partisë.
Deklarata
Ha Ha Ha… Autoriteti i Dosjeve u kujtua t’i kërkojë Kuvendit të ndryshojë ligjin “Për të drejtën e informimit për dokumentet e ish-Sigurimit”, një ditë pas themelimit të Partisë së Lirisë, se gjoja një politikan i nivelit të lartë I.M, figuron bashkëpunëtor i Sigurimit të Shtetit dhe qenka përpjekur për t’u fshehur nga verifikimet dhe për këtë u dashka bërë një ligj i veçantë.
Mos e lodhni kot Kuvendin me këtë punë, se ka çështje të tjera më të rëndësishme për t’u marrë si aferën skandaloze të inceneratorëve apo Marrëveshjen e Detit me Greqinë (kujtoni letrën e fundit të Presidentit të Republikës për të gjithë deputetët).
LATË NAM ME PATRONAZHISTËT E SOTËM JU QË PASKENI MERAKUN E “PATRONAZHISTËVE” TË KOMUNIZMIT.
I BËJMË THIRRJE AUTORITETIT TË DOSJEVE TË HAPË QË SOT DHE TË BËJË PUBLIKE ÇDO DOSJE DHE INFORMACION TË SIGURIMIT TË SHTETIT DHE GJITHÇKA TJETËR, PËRFSHIRË EDHE PROCESVERBALET E ORGANIZATËS SË RINISË TË ASAJ KOHE!
Jetojmë në kohën e “pavarësisë” së institucioneve, por edhe të TRANSPARENCËS, që nuk do të ndalet.
