Policia greke ka zbuluar një parcelë me 467 rrënjë kanabisi në Fthiotidha, e cila kultivohej dhe mirëmbahej nga dy shqiptarë.
Dy shqiptarët të moshës 40 dhe 44 vjeç u arrestuan mëngjesin e së martës nga autoritetet greke, pas një kërkimi dhe hetimi disa mujor.
Protothema.gr shkruan se plantacioni përbëhej nga 2 zona të projektuara posaçërisht, të cilat ishin rrethuar me bimësi natyrore për të siguruar mbulim për kultivuesit e drogës.
Nga plantacionit u sekuestruan:
-automjeti i përdorur nga autorët për të mbërritur atje,
-zorrë për ujitje, 300 metra e gjatë,
-kanaçe për ujitje, bidon për ujitje dhe kovë plastike me ujë gjithashtu
-(2) qese plastike, të cilat përmbanin pleh kimik.
Autorëve iu gjetën dhe u konfiskuan një thikë dhe dy celularë.
Raportohet se përfitimi i synuar për autorët nga kultivimi i fidanëve, vjelja dhe trafikimi i kanabisit, do të arrinte shifrën e 500 mijë eurove.
Ndaj njërit prej të arrestuarve ishin në pritje dy urdhër-arreste, për shkelje të legjislacionit për drogën dhe një dënim për vjedhje dhe armëmbajtje pa leje.
