Një ditë më parë, kryetari i Bashkisë së Tiranës Erion Veliaj postoi ditën e djeshme në Facebook një video ku fliste për një spektakël në qiellin e Tiranës.
Por, disa orë më vonë i ka ardhur kundërpërgjigjia nga personi që kishte organizuar atë aktivitet në mars të vitit 2015. Briken Fejzullai është personi që ka përgënjeshtuar kryebashkiakun Veliaj, për një tjetër gënjeshtër të radhës.
“(diz)INFORMACION
Më vjen keq Erion, por këtë spektaklin mbi qiellin e Tiranës, e kam organizuar UNË, bashkë me Roland Dorozhani, Bill Carson dhe pilotët e tjerë të Aeroclub Albania, në 14 mars të 2015, në bashkëpunim me Bashkinë e Tiranës, por kur kryetar, ishte tjetërkush.
Ta them me bindje këtë, sepse kemi punuar 6 muaj për atë projekt.
Edhe këtë vit prezantuam një projekt akoma më të madh e më të bukur… por Bashkisë nuk ju duk shumë “interesant”.
Ps. Më shumë fat vitin tjetër”, shkruan Fejzullai në Facebook.
