Eduart Seitaj, i cili ka qenë Sekretar i Përgjithshëm i Ministrisë së Transporteve pasi koalicioni PS-LSi fitoi zgjedhjet e 2013-ës, është emëruar si shef i kabinetit të Presidentit Bajram Begaj.
Ky i fundit mori zyrtarisht detyrën pasditen e djeshme, ndërsa ndër zyrtarët e parë që ka zgjedhur në kabinetin e tij është Eduart Seitaj.
Ish-drejtori i kabinetit gjatë presidencës së Ilir Metës, Edmond Panariti, ka dorëzuar sot detyrën te pasardhësi i tij.
Në një postim në rrjetet sociale, Panariti shkruan: Pas një viti e gjysmë Drejtor i Kabinetit të Presidentit Meta, kalohet detyra te pasardhësi. Faleminderit President Meta.
Më 24 korrik, Presidenti Bajram Begaj mori detyrën zyrtarisht dhe u betua si kreu i ri i shtetit shqiptar.
