Dyshimet se Elon Musk mund ta ketë tradhëtuar partneren e tij me gruan e mikut të tij më të mirë dhe njëkohësisht shefin e Google po bëjnë xhiron e rrjetit.
Wall Street Journal transmetoi atë që me siguri është historia përfundimtare e tradhtisë në nivel miliarderësh: që Musk, njeriu më i pasur në botë, pati një lidhje ‘të shkurtër’ me gruan e mikut të tij të ngushtë dhe dikur aleatit të biznesit Sergey Brin.
Brin, i cili bashkëthemeloi Google, është njeriu i shtatë më i pasur në botë.
Lidhja, sipas WSJ, ndodhi në dhjetor dhe ka çuar në kolapsin e shpejtë të martesës së Brin me Nicole Shanahan, gruan e tij të dytë dhe nënën e vajzës së tij të vogël. Brin, një manjak i teknologjisë, bëri kërkesë për divorc në janar, duke përmendur arsye të forta.
Në muajt që pasuan, Brin ka qenë vazhdimisht duke hequr dorë nga të gjitha investimet e tij në bizneset e shumta të Musk.
Wall Street Journal raportoi burime në një festë në fillim të këtij viti duke pretenduar se Musk ra në gju përpara Brin dhe kërkoi falje për aferën. Brin thuhet se e pranoi faljen, por ende nuk po flet rregullisht me Musk.
Kujtojmë se Brin i dha hua Musk-ut 500,000 dollarë, gjë që e pengoi kompaninë e tij Tesla të mos falimentonte 14 vjet më parë në kulmin e krizës financiare të 2008-ës.
