Pas protestës së mbajtur me 7 korrik 2022, e thirrur nga kreu demokrat Sali Berisha dhe shoqëria civile, ku iu kërkua Edi Ramës të largohej nga posti i Kryeministrit, ky i fundit nisi organizimin e mbajtjes së një mitingu në Tiranë.
Mitingu i thirrur nga Rama do të mbahet më 28 korrik, ora 19:00, ndërsa Kryeministri përmes rrjeteve sociale, shprehet se ai do të mbahet në kuadrin e 100 vjetorit të marrëdhënieve mes Shqipërisë dhe SHBA.
Pra me pak fjalë, Kreu i Qeverisë, po përdor një moment simbolik për organizimin e një mitingu, i cili më pas mund të interpretohet si një mbështetje që ai ka nga qytetarët. Prej ditësh administratës shtetërore, por edhe asaj lokale, i është kërkuar të jetë e pranishme në miting, duke synuar kështu pjesëmarrjen sa më të madhe.
“Bash në 100-vjetorin e lidhjes me Shtetet e Bashkuara të Amerikës, Shqipëria u lidh edhe me BE-në
Në 28 Korrik, fiks në datën e lidhjes së marrëdhënieve me SHBA, ora 19:00, në Sheshin Skënderbej, nis një mbrëmje kremtimi e këtyre dy miqësive të mëdha për shqiptarët e Shqipërinë, me muzikë e me dashuri mesveti”, njofton Edi Rama në rrjetet sociale.
