Partizani ka bërë gjithsej shtatë afrime deri më tani dhe rrjedhimisht në pjesën e mbetur të merkatos nuk priten shumë emra të rinj. Me ardhjen e Menishit dhe vendimin për të qëndruar me dy mbrojtës krahu dhe Sotën si alternativë, mbrojtja quhet e kompletuar. Porta dhe mesfusha janë të mbipopulluara, teksa vëmendja e vetme do të përqendrohet tek ofensiva.
Klubi është vazhdimisht në kërkim të një sulmuesi qendre, që do t’i bënte konkurrencë Skukës për formacionin. Duke parë se tregu vendës është shumë i varfër dhe nuk ofron thuajse asnjë mundësi, “demat” do të përqendrohen në tregun e jashtëm për ta gjetur pikën e referimit në ofensivë.
Nga ana tjetër, megjithëse si numër 10 mund të luajë Hoti, drejtuesit e kanë parë të arsyeshme të kërkojnë edhe për një fantazist. Janarin e shkuar u mor Kallaku, por pa rezultatin e pritshëm.
