Detaje të reja janë zbardhur nga atentati i një nate më parë në Milot, ku mbeti i vrarë Klisman Preçi dhe u plagos Ylli Ibrahimi.
Raportohet se automjeti i autorëve ka qëndruar për rreth 10 minuta në rrugën përballë rrugicës së pallatit ky jetonin dy personat të cilët ishin fqinj me njëri-tjetrin.
Sapo makina e shenjestrave të tyre është afruar për të hyrë në rrugën e pallatit kanë dalë dy atentatorët dhe kanë qëlluar me breshëri plumbash në drejtim të makines.
Duke qene se mjeti ishte i blinduar njëri prej tyre është afruar tek xhami dhe ka qëlluar në distancë të afërt dhe më pas ata janë larguar me automjetin tip “Audi”.
Para ngjarjes Ylli Ibrahimi dhe Klisman Preçi kishin qenë në një lokal në qendër të Milotit, disa metra larg banesave të tyre dhe siç duket atentatoret i kanë ndjekur lëvizjet e tyre.
Ngjarja ndodhi mbrëmjen edjeshme, rreth orës 21:00 në qytetin e Milotit, ku mbeti i vrarë Klisman Preçi 28 vjeç dhe u plagos Ylli Ibrahimi 46 vjeç.
Ylli Brahimi njihej si lidhje e Ervis Martinaj. Brahimi ka qenë pre e një atentati të mëparshëm. Në janar të vitit 2021, ai është qëlluar nga një person që qarkullonte me motor teksa ishte duke ecur në trotuar, Drejt tij është qëlluar me armë më shumë se 10 herë dhe Brahimi mbeti i plagosur. Gjatë atij atentati, Brahimi u ndoq nga disa persona, të cilët kanë informuar atentatorët dhe më pas është qëlluar. Ngjarja ka ndodhur ditën kur ka pasur shumë kalimtarë në rrugë. Edhe kjo ngjarje dhe autorët e saj nuk janë zbuluar nga policia.
Edhe Klisman Reci, i riu që u vra në atentatin e djeshëm në Laç kishte qenë shënjestër edhe më parë, por i kishte shpëtuar plumbave. Ai u qëllua në makinën e tij, Mercedes ML në maj të këtij viti në autostradën Lezhë-Milot. 27-vjeçari po udhëtonte me kushëririn e tij në makinë, i cili njoftoi policinë për atentatin që iu krye. Në këtë atentat, ata nuk u prekën nga plumbat. Autorët nuk janë zbuluar akoma nga policia.
