Joan Laporta është përsëri në qendër të vëmendjes për shkak të një reklame. Presidenti i Barcelona-s, i cili ka shkaktuar polemika në të kaluarën me një poster në Madrid, ka bërë një gjë të ngjashme në Las Vegas.
“Pres me padurim t’ju shoh përsëri”, ka qenë mesazhi në posterin e afishuar në kryeqytetin spanjoll pak metra larg Santiago Bernabeu kur garonte për presidencën e klubit katalanas.
Tani, me Barcelona-n në turne në Las Vegas, ku katalansit do të përballen në miqësore me Real Madrid-in, Laporta ka dërguar një mesazh tjetër, edhe pse këtë herë më pak origjinal.
“Çfarë ndodh në Vegas, qëndron në Vegas”, ka qenë mesazhi i posterit që tregonte një imazh të presidentit të Barcelona-s.
Kjo frazë është përdorur për të promovuar turizmin në qytetin e kazinove dhe është bërë pjesë e kulturës amerikane që nga ajo kohë. Fraza është përdorur rregullisht në filma që nga hera e parë që është përdorur 20 vite më parë.
Reklama në fjalë është vendosur në një nga ekranet e mëdha rreth kazinosë ku Barcelona po qëndron në Las Vegas para Clasico-s.
Mundo Deportivo ka zbuluar se mbrapa reklamës është Lluis Carrasco, i cili ka qenë njeriu përgjegjës edhe për posterin e shfaqur në Madrid para zgjedhjeve presidenciale të Barçës.
Real Madrid dhe Barcelona do ta zhvillojnë miqësoren e luksit të dielën (ora 5 e mëngjesit me orën tonë) më Allegiant Stadium, Las Vegas.
Lo que pasa en Las Vegas, se queda en Las Vegas. pic.twitter.com/lMGKW2RPpU
— FC Barcelona (@FCBarcelona_es) July 22, 2022
