Klisman Preçi, 27 vjeç i plagosur në atentatin e pak minutave më parë në Laç, ka humbur jetën në spital. Ishte së bashku me Ylli Ibrahimin, kur u qëllua nga një makinë në ecje e sipër.
Pas plagosjes ai u dërgua në spitalin e Traumës, por nuk arriti t’i shpëtonte plagëve të marra.
Mësohet se Preçi i shpëtoi një atentati në maj të këtij viti ku shënjestra ka qenë kushëriri i tij Blerim Preçi i cili sapo ishte kthyer nga Belgjika.
Pas ngjarjes, dy kushërinjtë deklaruan se nuk kishin konflikte me persona të caktuar dhe se nuk e dinin se kush mund të fshihej pas sulmit me armë.
Ndërsa mbrëmjen e sotme, Preçi humbi jetvn pas më parë u plagos rëndë së bashku me shtetasin Ylli Brahimi. Në atentatin e mbrëmjes së sotme, policia ka gjetur në vendngjarje 100 gëzhoja plumbash. Pista kryesore ku policia po heton është e shkuara e dy shënjestrave të atentatit të mbrëmjes së sotme.
