Deputeti i opozitës, Dashamir Shehi, u shpreh në emisionin “Open” se ka një sërë faktorësh që po detyrojnë shqiptarët të largohen nga vendi.
Shehi tha se elementimë i rëndësishëm është ekonomik, por janë edhe elementë të tjerë që lidhen me drejtësinv sociale, me sistemin e drejtësisë që ende nuk po jep rezultate, me shëndetësinë e arsimin.
“Shqiptarët nuk po ikin thjesht për bukën e gojës”, tha Shehi, duke shtuar se para 30 vjetësh kur iknin njerëz jashtë ne mburreshim, ndërsa sot erdhi dita që të mburremi kur të mbajmë shqiptarët të jetojnë e punojnë këtu.
Shehi tha se kjo që po ndodh sot me shpopullimin e vendit nuk kalohet me teorinë që kjo ka ndodhur kudo, sepse nuk është aspak kështu.
“Shtete të tjera kanë marrë masa, kanë hartuar politika për të mbajtur qytetarët e tyre në vendin e tyre, jo ti përzënë”, tha Shehi.
