Italia shkon drejt zgjedhjeve të parakohshme, që me shumë mundësi do të jetë 25 shtatori. Vendimi është marrë nga Presidenti Mattarella pasi shpërndau 2 dhomat e Parlamentit.
“Qeveria ka dhënë dorëheqjen, falënderova Mario Draghin dhe ministrat për angazhimin e tyre gjatë këtyre 18 muajve. Qeveria has kufizime në aktivitetin e saj, por ka mjetet për të vepruar në këto muaj para ardhjes së ekzekutivit të ri.
Nuk ka asnjë ndërprerje në këtë moment që po kalojmë, kostot e energjisë kanë pasoja për familjet dhe bizneset, vështirësitë ekonomike duhet të adresohen, ka shumë detyrime për t’u mbyllur në interes të Italisë”, vijon Mattarella.
Kështu, Italia pritet që më 25 shtator të mbajë zgjedhjet e parakohshme. Kujtojmë se kryeministri italian Mario Draghi ka rikonfirmuar ditën e sotme, dorëheqjen te Presidenti i Republikës italiane Sergio Mattarella.
