Cristiano Ronaldo ka humbur, ndoshta edhe rrugën. Bruno Fernandez, përveçse shok në ekip e ka koleg edhe në Kombëtaren e Portugalisë por ende nuk e di se çfarë do të bëjë numri 7 me karrierën e tij këtë sezon edhe pse faza përgatitore e Man. United ka nisur rreth dy javë më parë.
Mesfushori kërkon që klubi dhe tifozët t’i japin kohë për të zgjidhur problemet e tij, por nuk e saktëson se cilat janë këto probleme edhe pse tashmë dihet publikisht që sulmuesi kërkon të largohet nga “Djajtë e Kuq” për një skuadër që luan në Champions League.
“Nuk e di çfarë i ka thënë Ronaldo klubit apo trajnerit. Nuk e di çfarë po ndodh në kokën e tij këto momente, nuk e di as nëse do të qëndrojë apo të largohet pasi nuk kam folur me të. Ai ishte lojtari më i rëndësishëm i skuadrës tonë sezonin e kaluar por nuk më takon mua të flas për vendimin që ai ka marrë apo do të marrë. Nga ajo që ne dimë zyrtarisht, ai ka disa probleme familjare prandaj duhet ta respektojmë”.
