E ardhmja e Armando Brojës është ende e gjitha për t’u vendosur me Çelsin që në orët e fundit ka qenë në bisedimet të avancuara me Uest Hemin që është i interesuar për sulmuesin e Kombëtares. Gjithsesi këto tratativa mund të ndërpriten nga tekniku i “Bluve”, Tomas Tuhel që ka folur lidhur me mundësitë e qëndrimit të 20-vjeçarit te Çelsi.
“Nuk pres që të largohet. Ne jemi të ndërgjegjshëm për interesimin dhe ofertat, gjë që na tregon se ka shumë potencial. Unë dhe pronarët do të marrim në fund vendimin, bashkë me lojtarin.
Sapo ai mbërriti, ishte e qartë që po mundohej që të binte në sy dhe se po mundohej që të bëhej një lojtarë i Çelsit sa më parë të ishte e mundur. Pas huazimit të tij te Sauthempton, situata për të ishte e qartë për të bërë hapin e radhës, për të treguar përmirësimin e tij dhe për të rënë në sy në fazën përgatitore.
Për fat të keq u dëmtua dhe padyshim ka shumë zhurmë pasi ka oferta dhe interes rreth tij. Të shohim si shkojnë gjërat, por unë jam mjaft i qetë rreth kësaj situate pasi ne e dimë situatën dhe kemi një kontratë.”, u shpreh Tuhel.
