Policia e Tropojës ka arrestuar dy persona dhe shpallur në kërkim dy të tjerë, pasi u kapën me parcelë të kanabisit.
Sipas njoftimit të policisë, në pranga kanë rënë shtetasit Gjevalin Dedndreaj, 53 vjeç, banues në Tiranë dhe Agim Progni, 42 vjeç, banues në fshatin Salcë.
Raportohet se Hoxha është kryetar i PS-së për zonën e Zallmnerit.
Njoftimi i policisë:
Kontrolle intesive për parandalimin dhe goditjen e veprimtarisë kriminale në fushën e kultivimit të bimëve narkotike, në terren të hapur dhe në terren të mbyllur.
Finalizohet operacioni policor i koduar “Interrupt”, i zhvilluar nga Komisariati i Policisë Tropojë.
Goditet një rast i kultivimit të bimëve narkotike, ndalohen 2 autorët e dyshuar, shpallen në kërkim 2 të tjerë.
Procedohen në gjendje të lirë kryetari i fshatit dhe inspektori i pyjeve, për veprat penale “Shpërdorimi i detyrës” dhe “Moskallëzimi i krimit”.
Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Tropojë, pas një hetimi 2-mujor, bazuar në informacionet e marra në rrugë operative, se në njësinë administrative Lekbibaj, ishin kultivuar bimë narkotike kanabis, organizuan dhe finalizuan operacionin policor të koduar “Interrupt”.
Në kuadër të këtij operacioni u bë ndalimi i shtetasve:
Gjevalin Dedndreaj, 53 vjeç, banues në Tiranë dhe Agim Progni, 42 vjeç, banues në fshatin Salcë.
Gjithashtu u shpallën në kërkim shtetasit Rinard Progni, 31 vjeç, banues në fshatin Salcë dhe Arben Steaj, 40 vjeç, banues në Tiranë.
Këta dy shtetas, në bashkëpunim me njëri-tjetrin, dyshohet se kanë kultivuar bimë narkotike në zona të ndryshme, në njësinë administrative Lekbibaj.
Në vijim të veprimeve u proceduan në gjendje të lirë, për veprat penale “Shpërdorimi i detyrës” dhe “Moskallëzimi i krimit”, shtetasit: N. R., me detyrë kryetar i fshatit Palç dhe Gj. P., me detyrë inspektor i pyjeve dhe mjedisit.
Materialet procedurale iu referuan Prokurorisë pranë Gjykatës së Shkallës së Parë Tropojë, për veprime të mëtejshme.
