Rreth 15 deputetë të Grupit Parlamentar të PD-së, një pjesë e të cilëve kanë qenë kritikë ndaj Lulzim Bashës, por edhe kanë mbajtur një distancë dhe nuk kanë mbështetur as rikthimin e Sali Berishës në drejtimin e Partisë Demokratike, raportohet se janë mbledhur në një nga lokalet e kryeqytetit.
Sipas raportimeve, në takimin e organizuar janë të pranishëm Gazment Bardhi, Helidon Bushati, Dhurata Çupi, Kreshnik Çollaku, Andia Ulliri, Ervin Salianji, Bledjon Nallbati, Arbi Agalliu, Lefter Geshtenja, Flamur Hoxha, Eralda Bano, Merita Bakiu, Zheni Gjergji, Dashnor Sula dhe Grida Duma.
Nuk dihet se se për çfarë janë takuar deputetët demokratë dhe lëvizja që ato mund të ndërmarrin në ditët në vijim, por duket se gjithçka lidhet me mbështetjen që ato mund ti japin një prej emrave që garojnë për postin e Avokatit të Popullit.
