Një zjarr me përmasa të konsiderueshme ka rënë pas mesditës së kësaj të hëne në zonën e Peshtanit në Fier. Flakët kanë përfshirë një sipërfaqe të konsiderueshme toke të mbjellë me ullinj, dru frutorë si dhe hapësira të mbjella me drithëra.
Nga zjarri rrezikohet edhe një stallë me bagëtish e cila ndodhet fare pranë. 3 mjete zjarrfikëse të Fierit dhe gjithë efektivët e këtij reparti janë në luftë me flakët.
Në ndihmë të zjarrfikësve në terren janë shpërndarë edhe banorë të zonës. Mësohet se kanë qenë këta të fundit që kanë njoftuar për shpërthimin e flakëve.
E ndërsa zjarri favorizohet nga temperturat e larta dhe era e fortë, shkaqet e rënies së tij nuk dihen ende.
