Gati projektligji për krijimin e regjistrit kombëtar për persoat e dënuar për krime seksuale. Nisma u prezantua sot nga nënkryetarja e Kuvendit, Ermonela Felaj në Komisionin e Ligjeve.
Ajo u shpreh se projektligji do të hidhet për votim në seancën parlamentare të ditës së enjte. Felaj theksoi se kjo është hera e parë që të dhënat për personat e dënuar do të mblidhen në rang kombëtar.
“Unë do të tërhiqja vëmendjen për disa pika të rëndësishme. Është e para herë që mundësojmë që të dhënat për personat e dënuar në vite për kryejnë e krimeve seksuale kemi vendosur të mblidhen në rang kombëtar. Përmes kësaj të dhëne na jep mundësinë të dimë shpërndarjen e këtyre personave. Nuk ka rëndësi fakti nëse janë rehabilituar apo jo. Qëllimi është ai që edhe gjykatat europiane e kanë konsideruar të rëndësishëm”, tha Felaj.
Deputetja u shpreh se puna do të nisë me mbledhjen e të dhënave ndërsa projektligji parashikon edhe një pikë për përditësimin e tyre në sistemin e-Albania.
“Puna fillon në momentin kur e mbledhim këtë të dhënë dhe e përditësojmë. Statusi që ky person paraqet do ta pasurojë informacionin për personin që komisariatet të kenë informacion për këtë kategori personash. Ligji ka fuqi prapavepruese për personat e rehabilituar. Nuk do të krijohet një regjistër i ri. Policia e shtetit do të ketë një ndërveprim në databazën e drejtorisë së burgjeve ku do të shkarkojë të dhënat për personat e dënuar dhe këto të dhëna do i plotësojë me disa rekuizita të tjera. Bëhet fjalë për të dhëna nga sistemi i gjendjes civile dhe i gjithë ky informacion shoqëruar edhe me të dhëna të tjera telefonit, apo edhe lejes së drejtimit do i shërbejnë policisë për ta idneditifikuar personin në vend”, tha ajo.
Sipas Felajt, fillimisht është parashikuar që aksesues të këtij informacioni do të jetë departamenti i administratës publike apo edhe zyrat arsimore në mënyrë që të kryejnë verifikimet e duhura para se të punësojnë dikë. Megjithatë, ajo shtoi se e udhës do të ishte që akses të kenë edhe prindërit në mënyrë që të kenë informacion për rrethin e personave me të cilët shoqërohen fëmijët e tyre.
“Nga propozuesit janë propozuar që aksesues të këtij informacioni të jetë departamenti i administratës publike, zyrat arsimore. Ajo që unë kam menduar personalisht është që unë mendoj që akses duhet të kenë të gjithë. Çdo prind duhet të ketë akses. Nëse kam pasiguri për prindin e shokut të djalit apo vajzës time të kem akses që ta shkarkoj këtë informacion dhe të sigurohem për rrethin e personave që frekuenton fëmija im. Na takon ne të vendosim se cili do të jetë aksesi. Pjesa e përkufizimeve të ligjit është veçanërisht e domosdoshme. Ndërtimi i një teksti të tillë të detyron të hartosh një tërësi aktesh”, tha Felaj.
