Kontenieri, në të cilën dyshohet se janë marrë rreth 50 kuti, ku dyshohet se kishte kokainë kishte rreth 10 ditë që kishte mbërritur në Portin e Durrësit.
Sipas burimeve nga grupi hetimor mësohet se kontenieri kishte mbërritur në vendin tonë nga Ekuadori.
Sipas informacioneve mediatike, që i referohen grupit hetimor, bëhet me dije se kontenieri ka qenë nën monitorim nga autoritetet ligjzbatuese, që prej momentit që ka mbërritur ne vendin tonë.
Mbajtja në vëzhgim është bëre pasi, kompanisë që sillte dërgesën me banane nga Ekuadori, i janë kapur edhe here të tjera droge.
Autoritetet portale, kanë zbuluar hapjen e kamionit në momentin që do futej në skaner. Punonjësit e skanerit kanë konstatuar heqjen e plumceve e më pas kanë lajmëruar policinë.
Pas marrjes së informacionit, menjëhëeë policia dhe një grup hetiesish nga prokuroria e Durrësit kanë shkuar në port, ku kanë berë kontroll te imtësishëm të kamionit. Nga kontrolli nuk është gjendur asnjë sasi lënde narkotike apo send i dyshimtë. Por nga letrat doganore, është konstatur se në kontenier mungonin rreth 50 arka.
Për këtë fakt, prokuroria nisi hetimet edhe për dekonspirim nga autoritetet portuale, nga ku u vunë nën akuzë 18 persona punonjës të portit. Ndërkohë në pranga është vënë edhe shoferi që do dërgonte kontenierin tek kompania e bananeve, Nazmi Allgjata, dhe agjentin e shitjeve i kompanisë Altin Muhametaj.
Prokuroria e Durrësit, vijon hetimet për këtë ngjarje ku që nga dita kur kontenieri ka mbërritur në port e deri ditën e djeshme kur edhe u zbulua heqja e plumceve, do behet kqyrja e kamerave të sigurisë, për të parë nëse kontenieri është hapur në vendin tonë, apo në ndonje prej porteve të tjera vendeve ku ai ka ndaluar përgjatë intenererit që ka pasur.
