Deputetja demokrate Ina Zhupa akuzon Qeverinë Rama se është e fundit në Rajon lidhur me mbështetjen që i ka ofruar qytetarëve që po përballen me krizën ekonomike, e cila është thelluar edhe për shkak të krizës së çmimeve.
Zhupa, në rrjetet sociale, shkruan se vetëm 0.3% të GDP-së ofroi Shqipëria si mbështetje për krizën ekonomike që prekën kryesisht nevojat bazë sidomos ushqimet.
Postimi nga Ina Zhupa
Qeveria Rama përherë e fundit për ti shërbyer qytetarëve.
Vetëm 0.3% të GDP-së ofroi Shqipëria si mbështetje për krizën ekonomike që prekën kryesisht nevojat bazë sidomos ushqimet. Vendet e tjera të rajonit japin më shumë për qytetarët e tyre siç e tregon edhe tabela👇🏻
Qytetarët shqiptarë vuajnë krizën e rritjeve të cmimeve më shumë se çdo vend tjetër.
Sipas indeksit që publikoi Eurostat, ushqimet në Shqipëri, në shtetin më të varfër të Europës, kushtojnë njësoj si në BE. Kjo krizë çmimesh ka ndikuar në pamundësinë e familjeve shqiptare për të përmbushur nevojat bazë.
