Një i arratisur shqiptar i akuzuar për krime të rënda, i cili tentoi të udhëtonte drejt Italisë, u arrestua nga efektivët e Autoritetit Qendror Portual të Patrës.
Sipas informacioneve ekskluzive të Pelop.gr, ndaj tij ishin në pritje urdhër-arresti për grabitje, krijim bande, armëmbajtje pa leje dhe lëndë plasëse dhe sulm ndaj grave. Shqiptari kishte zhvilluar një veprimtari “të pasur” në qytete të ndryshme të Peloponezit, përfshirë Kalamatën, Gythio dhe Spartën.
Ditën e djeshme ai ka mbërritur me makinën e tij në portin e Patrës me destinacion Italinë. Ai u arrestua nga roja bregdetare teksa kontrollonte dokumentet e udhëtimit.
Ai u arrestua për tentativë për t’u larguar në mënyrë të paligjshme nga vendi dhe me dosjen e ngritur në ngarkim të tij do të dërgohet në Prokurorinë e Patrës për procedim të mëtejshëm.
