Tashmë është zyrtare. Suzuki do të largohet nga MotoGP në fund të sezonit 2022. Nëpërmjet një njoftimi për mediat, prodhuesi japonez shpjegoi se arriti marrëveshjen me DORNA, kompaninë që ka të drejtën e organizimit të garave me motorë, “për ndërprerjen e bashkëpunimit në fund të këtij edicioni të MotoGP dhe gjithashtu në garat me makina”.
Edhe pse në njoftimin formal përmendeshin investime në energjinë e rinovueshme në ndihmë të mjedisit, mediat franceze zbuluan prapaskenat e vendimit.
Sipas tyre, DORNA e ka gjobitur Suzukin me afro 20 milionë euro dhe largimi i prodhuesit japonez nga garat do të bënte që ata të kursenin rreth 140 milionë euro nga investimet në sportet motorike.
