Kushti ligjor për termoizolimin e banesave u është vendosur qytetarëve shqiptarë nga Ministria e Energjitikës. Në të kundërt nëse qytetarët rregullojnë shtëpinë dhe nuk bëjnë termoizolimin atëherë ligji parashikon gjobë rreth 300 mijë deri në 1 milion lekë. Projektuesit dhe zbatuesit e ndërtimit do të dënohen dhe gjobë në rastet e mos termoizolimit.
Në fakt, Shqipëria është një nga vendet e vetme në Europë që pjesën më të madhe të pallateve i ka të ndërtuara pa planin e ruajtjes së energjisë. Ndërtuesit thonë se ka disa kompani që e kanë aplikuar sistemin e veshjes së dyfishtë të murit, madje kanë shkuar edhe te investimi në rrjetin e transmetimit të brendshëm të pallatit, por jo të gjitha godinat që ndërtohen sot i përmbahen këtij standardi.
Ndërkaq ministria e Energjisë në kuadër të ligjit, i cili nuk do të lejojë më që asnjë pallat të ndërtohet pa sjellë më parë një projekt, i cili do të përqendrohet në kursimin e energjisë.
Ligji i ri shtrihet edhe te pjesa e pajisjeve elektroshtëpiake, ku nuk do të lejohet më importi i atyre mallrave që nuk janë të klasifikuara si AA+, pra qe kursejnë energjinë elektrike. Plani i ministrisë së Energjisë është që deri në 2018-ën të kursehet 9% e totalit të energjisë që shpenzohet sot. Ligji i ri do të jetë gati brenda këtij viti.
