Një përplasje e ashpër ndodhi përballë një lokali në via Jori, në Certosa të Italisë. Gjashtë shtetas shqiptarë janë përleshur me kaçavida, katër kundër dy.
Sipas të dhënave të para, 4 persona kanë zbritur nga një makinë dhe kanë sulmuar dy bashkatdhetarët pasi ditët e fundit u ishte ndaluar hyrja në një lokal nate.
Përleshja ka përfunduar me mbërritjen e policisë dhe një i plagosur në gjendje të rëndë është nisur me urgjencë në spitalin e Villa Scassi.
