Sali Berisha, kreu i PD, tha në emisionin Open, se Edi Rama edhe në fund të Botës të shkojë do të përballet me drejtësinë për ato që ka bërë.
Berisha tha se për të personalisht edhe 100 vjet të hetohet, nuk do të gjejnë asgjë për Sali Berishën.
Kreu i PD tha se alternativa që i ofron shqiptarëve është vendosja me urgjencë e minimumit jetik, duke zhdukur me vendim varfërinë ekstreme.
Berisha tha se do të marrin fund PPP e kësaj natyre, do të marrin fund tenderat sekrete dhe ato me një operator, sikundër do të anulohet ligji që i konfiskon shqiptarëve pronat nga Velipoja te Kepi i Silos.
Ai tha se është e papranueshme që një qeveri që mbledh 340 mln euro më shumë, nuk indekson çmimet e rritura.
