Parlamenti Europian i ka kërkuar Serbisë të rishikojë qëndrimin e saj ndaj Rusisë.
Ligjvënësit miratuan një dokument përmes të cilit shprehën keqardhjen që Beogradi nuk i është përshtatur linjës së BE-së për vendosjen e sanksioneve pas pushtimit të Ukrainës.
Për eurodeputetët, është urgjente që Serbia të bëjë ndryshime të qasjes së saj, pasi gjithmonë ka parë në drejtime të tjera kur bëhet fjalë për politikën e jashtme.
“Është koha që ky vend të tregojë se cilën anë mban”, thuhet në dokument.
