Deputeti demokrat, Edmond Spaho, u shpreh në emisionin Debat në A2Cnn se protesta e 7 korrikut, e cila do të mbahet para godinës së Kryeministrisë, nuk do të drejtohet nga PD por nga shoqëria civile dhe akademikë.
Deputeti u bëri thirrje të gjithë shqiptarëve të bashkohen dhe të marrin në dorë fatet e vendit, duke theksuar se Shqipëria ndodhet në një moment kritik.
“Nisur nga slogani “Shqipëria në rrezik” ka të bëjë me një ccështje përtej PD. Një interes shumë më i gjerë që ngërthen shoqërinë shqiptare. Jo pa qëllim është gjetur ky slogan. Momenti në të cilin ndodhemi është mjaft kritik. Nuk është përgjegjësia vetëm e opozitës për të marrë në dorë fatet e vendi, por është përgjrgjësia e të gjithë qytetarëve të vendit të të gjitha moshave të japin kontributin e tyre për të dalë nga kjo protestë alarmante.
Këtë protestë nuk do e drejtojë një parti politike, PD, por do të jenë aktivistë të shoqërisë civile, bota akademike, segmente të tjera që janë të interesuar në favor të ndryshimeve”, tha Spaho.
