Autoritetet franceze kanë rekomanduar mbajtjen e maskave pasi rastet e infektimeve me COVID në vend kanë pësuar rritje.
Ata shpjeguan se vendosën për një rekomandim të tillë, pasi kufizime të tjera do të trembnin udhëtarët të cilët do dëshironin të vizitonin Francën, shkruan Schengen Visa Info.
Numri i personave të shtruar në spital në Francë për shkak të COVID është rritur ndjeshëm në dy javët e fundit. Sipas të dhënave, rreth 1000 të infektuar shtrohen çdo ditë në spital.
Zëdhënësja e qeverisë franceze, Olivia Gregoire tha se nuk planifikohen kufizime për ambientet e mbyllura apo aktivitete të tjera.
Zyrtarët po konsiderojnë futjen e masave të reja, megjithatë nuk do të jenë strikte dhe nuk do të frenojnë aktivitetin ekonomik.
